Dy shqiptar plagosen me thikë në Itali, autori i ngjarjes largohet me motoçikletë

12:33 | 12 Maj 2022
A. B.

Autoritetet italiane kanë njoftuar sot se dy persona me kombësi shqiptare u plagosën pasi u goditën me thikë përpara një lokali në Viale Europa në Villa Raspa di Spoltore.

Episodi i dhunës ka ndodhur pasditen e djeshme, pak para orës 20:00, raporton IlPescara.

Pas zbardhjes së ngjarjes, mësohet se një person me motoçikletë ka mbërritur para lokalit dhe ka goditur me thikë dy shqiptarët pas një diskutimi të shkurtër që degjeneroi menjëherë në një mosmarrëveshje.

Njëri nga të dy shqiptarët pësoi një goditje në këmbë, ndërsa tjetri në bark.

Në vendngjarje ka ndërhyrë policia dhe grupi i lëvizshëm po punon për hetimin.

Dëshmitarët okularë janë dëgjuar dhe do të këqyren pamjet e kamerave në zonë për të identifikuar sulmuesin, thuhet në raportimin e medias italiane.

Shpërndaje në rrjete sociale

Lajmet më të lexuara

Të ngjashme

Foto lajm